「虛實虛實虛」，唔單止戲裡面嘅人物喺虛實之中穿梭，仲拉埋觀眾喺呢個虛實嘅空間之中作為其中一人去體驗，究竟幾時係真？幾時係假嘅呢？建議提早到場，體驗一下踩過界嘅感受；又或者去挑戰一下自己敢唔敢踩過界。

最緊張刺激嘅係兩大男神拉鋸對峙一幕，Adam同Phillip互相試探，一進一退嘅調度同選擇，呼吸和節奏拿捏得恰到好處。而家睇到梁展鴻角色處理上又一大突破，感覺佢又開拓咗一個全新領域！世一！

楊螢映演繹嘅Eve，雖然表面一直都係踩界嗰個人，但係有條界佢係一直都唔敢踩，而且仲不斷退後一步，我覺得就佢愛情呢條界，好記得佢講咗好多次「愛，呢個字好重！」而家當佢發現Adam紋身個刻，佢嘅反應令我感覺佢都驚自己會沉船而又後退一步。

黑盒劇場空間嘅運用，好配合到成齣戲嘅方向，特別道具嘅存在本身已經緊貼主旨。吊針花，《1984》小說，仲有瀡滑梯……滑梯俾到一種兩小無猜嘅感覺；再有反轉滑梯變成枱，係咪暗示反枱/反底牌；個人好鍾意滑梯呢個處理。另外當然係時不時就會出現嘅紅色雷射光線！燈光設計贊贊贊！

（p.s.好想知道觀眾席貼住嘅倉頡碼，最後會組成乜嘢句子）