《完美物質》係我喺「嘩嘩聲」中渡過嘅一次放映，血肉横飛、過癮十足，但又絕非言之無物！

電影完全滿足咗我獵奇嘅心態，每次爆點都令我覺得嘖嘖稱奇，有時會睇到雙眼發光！兩位主角嘅演出無懈可擊，Demi Moore 精準咁詮釋咗一名過氣女星，為「愛」為「名」恨似病的心境，Margaret Qualley 獻出咗精緻 Barbie 面孔加挑剔唔到嘅身材，嬌縱野性又邪氣滿滿嘅演繹，同佢喺《The Maid》入面隱忍壓抑嘅形象截然不同。

電影最尾用一種更抽離、荒誕嘅手法，將編導想講嘅議題再昇高咗一個層次。但我知好似仲有好多朋友未睇，我個friend 叫我唔好爆雷住😂😂😂。唉，好sad！當衰老同青春相碰撞，前者對後者永遠留戀，但後者係永遠高傲同不屑一顧！

Anyways，非常同意《完美物質》真係Body Horror類型嘅Masterpiece⚡️