一個人的房間《最親愛的》

6月28日

撰文：Momo澳門分支

首先感謝「澳門演出活動 x 吸點藝術」的支持，俾我有一個新的藝術體驗，平時真係睇得太少呢類型的劇目。

在看這部劇之前，我有做過少少功課，大概知道呢部劇係基於 Woolf 的作品和人生歷程做一個基礎，睇完劇之後先知道佢仲加插咗幾個真實故事係入邊。

成部劇同Woolf 的作品一樣都係好意識流，劇入面用左很多肢體語言同舞蹈語言去表達人物的內心世界，文本就佔比較小的一部分。不過咁樣都好，我有啲唔係好鍾意當中有些演員講台詞的腔調，我感覺好似無咩感情係入邊，有啲太生硬。肢體同舞蹈嘅部分我不是很懂評價，不過幾喜歡呢兩個部分，我覺得佢地動作係好流暢，好似線段一樣咁柔和。而整個佈景都好簡單，都係得幾張凳同一塊鏡，but 演員同道具係有不斷咁移動，就沒有那麼單調。燈光和音樂也可以，都很和諧。

個人最喜歡第二幕：《一個人的房間》的表達，男演員不斷將凳推倒，而女演員又會不斷將凳扶正，到最後將凳合成一個堡壘，很堅硬，又有另一個男演員把最一張椅放上去，組成堡壘的頂，更堅固了。但女演員一個重重的用力，那個堡壘又變成一張張凳子，又像之前一樣。我覺得呢段肢體片段很體現到文本作者經歷咗大大小小的壓力，到最後崩潰的感覺。

比較不喜歡的部分就是那塊鏡和跑來跑去的部分，跑來跑去的部分感覺有啲意義不明，有啲多餘。那塊鏡子就是佢不斷轉的時候，反光到眼睛裏，有啲影響我看劇。